Tre vëllezërit Rexhepi dhe kushëriri i tyre Fitim Nelku po ktheheshin nga puna në Shupenz Dibër me mjetin e tyre tip Benz me targa “AA923FH” dhe pikërisht në vendin e quajtur tuneli i Shkopetit në dalje mjeti nuk ka ndjekur trajektoren normale të rrugës, por në kthesë, ndoshta si pasojë e shpejtësisë, ka kapërcyer një bordurë duke përfunduar në humnerë.

Si pasojë kanë humbur jetën njëri nga vëllezerit Rexhepi, Afrimi, si dhe kushëriri i tyre Fitim Nelku.

Policia e Lezhës dhe Kurbinit mbërritën në vendngjarje dhe kanë bërë dërgimin e të plagosurve në spitalin e Laçit.

Sipas policisë, mjeti nuk ka ndjekur trajektoren normale dhe ka rënë nga një lartësi e madhe duke shkaktuar vdekjen e menjëhershme të dy personave.

Fatmirësisht mjeti nuk ka përfunduar në ujërat e liqenit të Hidrocentralit të Shkopetit, ku do të rrezikohej jeta edhe e dy të mbijetuarve.

Aktualisht ata ndodhen nën kujdesin e mjekëve dhe do merren në pyetje për të mësuar shkaqet e ngjarjes së rëndë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur