Ministria e Shëndetësisë e Maqedonisë së Veriore njofton se gjatë ditës së djeshme janë kryer 6.006 teste për Coronavirus dhe prej tyre kanë rezultuar pozitivë 906 persona.

Ndërsa numri i rasteve të reja vazhdon të jetë stabil prej një jave, ai i viktimave vazhdon të mbetet i lartë.

Dje janë regjistruar 26 viktima të tjera nga Koronavirusi në të gjithë vendin. Vdekjet më të larta janë regjistruar në Shkup dhe Tetovë, përkatësisht me 8 dhe 6 viktima, ndërsa Struga regjistron 3 viktima, kurse Kërçova dhe Gostivari nga 2 viktima.

Në 24 orët e fundit janë regjistruar edhe 343 pacientë të shëruar duke e çuar numrin e të shëruarve që nga fillimi i pandemisë në 156.660. Rastet aktive me virus janë 14.785, ndërsa numri total i vdekjeve 5.964.