Kandidati i LDK’ës për deputet njëherit edhe nënkryetari i Prishtinës, Alban Zogaj mbrëmë ka qëndruar në Korishë.

Zogaj ka thënë se aty është vendi i dajve të tij, dhe se aty ka ndjerë ngrohtësinë dhe mikpritjen e jashtëzakonshme të qytetarëve.

“Sot pata kënaqësinë të jem në mesin e nëndegës së Korishës, vendin e Dajve të mi, ku ndjeva ngrohtësinë dhe mikpritjen e jashtëzakonshme të njerëzve të mi. Ishte një moment i veçantë dhe emocionues për mua, teksa pashë entuziazmin dhe përkushtimin e tyre për vizionin tonë të përbashkët.
Falenderoj nga zemra Kryetarin Lumir Abdixhiku dhe Driton Selmanaj për nderimin dhe mbështetjen e tyre, si dhe të gjithë pjesëmarrësit për energjinë dhe përkushtimin që po i japin kauzës sonë.
Korisha ka qenë dhe do të mbetet një shembull frymëzues për mua, dhe ndihem shumë krenar që jam pjesë e kësaj trashegimie”, u shpreh Zogaj.