Një gjykatë në Shkup ka caktuar masën e paraburgimit prej 30 ditësh, Gafurr Dugolli, ish-pjesëtar i UÇK-së që aktualisht punon në Ministrinë e FSK-së.
Lajmin e ka konfirmuar vëllai i tij, Bujar Dugolli, i cili në ditën e arrestimit kishte thënë për Insajderin se Kosova nuk duhet të lejojë ndalimin e ushtarëve të UÇK-së me fletarreste të Serbisë.
“Ia kanë caktuar 30 ditë dhe kjo është një padrejtësi. Është për keqardhje që shteti maqedonas merr parasysh ligje e fletëarreste të Serbisë për banorët e Kosovës”, ka thënë Dugolli.
Familjarët e Dugollit kanë qenë në Shkup deri në orët e mbrëmjes në pritje të vendimit për të.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
