Këshilli Prokurorial i Kosovës sot ka aprovuar kërkesën e tre  prokurorëve, për vazhdimin e studimeve master.

Sipas njoftimit për media të KPK-së prokurorët Shkelzen Ibrahimi, Rafet Halimi dhe Enver Krasniqi, do të mund të vazhdojnë studimet Master në Shtetet e Bashkuara të Amerikës.

Anëtarët e Këshillit Prokurorial gjithashtu kanë marrë vendim për  vazhdimin e mandatit deri në fund të vitit 2016, të prokurorit Ali Selimi si ushtrues detyre i Kryeprokurorit të Prokurorisë Themelore të Gjakovës.

Bazuar në njoftimin për media KPK-së ka miratimin edhe dy udhëzimeve administrative, që kanë dal si nevojë e riorganizimit të ri të KPK-së e PSH-së dhe për menaxhim më efikas të buxhetit të sistemit prokurorial.

“Kanë miratuar dy udhëzime Administrative, Udhëzimin Administrativ për Përcaktimin e Shpenzimeve të Reprezentacionit dhe Udhëzimin Administrativ për Përdorimin e Telefonave Fiks e Mobil në Këshillin Prokurorial dhe prokuroritë e Republikës së Kosovës”, shkruan në komunikatën e këtij institucioni. /Insajderi.com