Shefja e deputetëve të Lëvizjes Vetëvendosje, Mimoza Kusari ka konfirmuar se nuk janë vetëm 11 deputetët shpenzimet e karburanteve të cilëve u publikuan të enjëten. Sipas saj janë 36 deputetë të VV-së që figurojnë në listën e kompenzimit për shpenzimet e naftës.

Kusari pas reagimeve të ashpra për keqpërdorimet me derivate sidomos ata që përfituan shumë të mëdha të parave edhe pse jetojnë në Prishtinë, ka treguar se kanë hequr dorë nga ky luks.

 “Me anë të këtij njoftimi duam të informojmë opinion publik, se deputetët e Lëvizjes Vetëvendosje, si shumicë parlamentare, vullnetarisht do të tërhiqen nga kompenzimi i shpenzimeve të udhëtimit dhe njëkohësisht thërrasin edhe deputetët tjerë të aplikojnë të njejtin standard”, tha Kusari.