Komitetit për Shëndetësi, Mirëqenie Sociale dhe Persona me Aftësi të Kufizuara në Malishevë, në mbledhjen e tretë të rregullt të Komitetit, të mbajtur të hënën, të kryesuar nga Aziz Thaçi, shqyrtoi dhe debatoi për raportin pesëmujor të dërguar nga QKMF-ja.

Sipas raportit, brenda kësaj periudhe në territorin e komunës së Malishevës janë pickuar 385 persona, por asnjë nuk është i hospitalizuar.

“Një menaxhim i mirë u përkushtohet punës dhe ekipeve mjekësore të cilët mbajtën ligjërata  të drejtpërdrejta me nxënës të shkollave dhe kjo padyshim ka ndikuar në informimin e tyre. Po ashtu angazhim në këtë drejtim kanë dhënë edhe sektorët e bujqësisë dhe të emergjencave të cilët dolën në terrene fushore, ku bënë spërkatjen e hapësirave publike. Këta janë faktorë që mbrojtën banorët që punojnë në fusha nga pickimet e rriqrave. Këshilla profesionale nga anëtarët e komitetit është se situata me ethet hemorragjike nga rriqrat nuk është tejkaluar tërësisht, prandaj edhe kërkohet përkujdesje nga të gjithë qytetarët që t’u përmbahen rregullave të mbrojtjes nga rriqrat, sidomos në këta muajt e vapës dhe punës në fusha”, ka njoftuar Komuna e Malishevës.