Ka shkuar në 50 numri i të vdekurve nga sulmi në një klub të homoseksualëve në Orlando të Shteteve të Bashkuara të Amerikës. Sulmuesi është një ekstremistë islamik me prindër afganë derisa vet ishte shtetas amerikan. Emri i tij është Omar Mateen, me vendbanim në Florida.

Mateen kishte me vete një jelek vetëvrasës të mbushur me armë. Sulmin e kishte kryer në orët e hershme të mëngjesit, shkruan dailymail.

Pos 50 të vdekurve, janë edhe 53 të plagosur.

Zyrtarët e FBI’së po e trajtojnë këtë sulm si akt terrorist. Mirëpo, ende nuk e kanë klasifikuar se a është akt terrori i brendshëm apo ndërkombëtar.

Sulmuesi është vrarë nga oficerët e FBI’së derisa besohet se ai mund të ketë prirje për terrorizëm bazuar në islamin radikal.