Afro 50 persona kanë vdekur dhe 72 të tjerë janë plagosur pas shpërthimit të një autobombe në hyrje të qytetit Hila në jug të Bagdatit. Sulmi është ndërmarrë nga militantë të ISIS-it bën me dije policia lokale.

“Sulmi u zhvillua kundër një pike kontrolli në hyrjen veriore të Hilla”, njoftoi Faleh al Radhi, përgjegjës i sigurisë të provincës Babel.

Burime nga spitali Hilla bëjnë me dije se “mes të vrarëve janë 20 anëtarë të forcave të sigurisë, ndërkohë që të plagosur kanë mbetur të paktën 72 persona.

Ky është sulmi më i përgjakshëm me autobombë i zhvilluar në Irak që nga fillimi i këtij viti.