Hashim Thaçi ka shkruar në Facebook se është pritur si president i zgjedhur në Vatikan.
Në selinë e shenjtë të katolikëve, Thaçi ka postuar dy fotografi në të cilat shihet se është takuar me monsinjor Vincenzo Paglia, kryepeshkop dhe president i Këshillit Papal për Familje në Selinë e Shenjtë dhe themelues i Komunitetit Sant Egidio.
Vatikani nuk e ka njohur pavarësinë e Kosovës. Por Thaçi ka shkruar se ka kërkuar pikërisht këtë njohje. Por nuk ka shkruar se cila ka qenë përgjigja.
“Në këtë takim nga monsinjor Paglia kërkova përkrahjen për njohjen e pavarësisë së Kosovës nga Vatikani, për vënien e marrëdhënieve diplomatike midis dy vendeve dhe emërimin e delegatit apostolik në Prishtinë”, ka shkruar Thaçi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
