Parlamenti i Serbisë ka mbajtur sot mbledhje të rregullt por deputetët serbë kanë folur vetëm për intervenimin e NATO-s.

Kryetari i Parlamentit të Serbisë, Ivica Daçiq, i ka ftuar deputetët në mbledhjen që i ra në 22 vjetorin e fillimit të fushatës së bombardimeve të NATO-s që të mbajnë një minutë heshtje “për të nderuar të gjitha viktimat”.

“Mund të falim, por nuk guxojmë të harrojmë”, ka thënë Daçiq.

Kryetari i Kuvendit të Serbisë, Ivica Daçiq, është shprehur se do të dëshironte t’ua kthente atyre që e kanë bombarduar Serbinë.

“Do të isha më i lumturi sikur të mund t’ua kthenim, por pasi nuk mundemi, atëherë vazhdojmë tutje”, u shpreh Daçiq.

Deputetë serbë thanë se politika e Slobodan Milosheviqit ka qenë vetëm arsyetim i rrejshëm për bombardimet dhe se 22 vite më vonë Serbia vuan të njëjtat rrethana.

Ivica Daçiq ka qenë zëdhënës i Partisë Socialiste të Serbisë në vitin 1999 dhe është konsideruar një nga njerëzit më të afërt të Slobodan Milosheviqit.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman