Duke filluar nga 1 qershori, për katër muaj rresht, në Gjakovë planifikohen të shfaqen filma dhe dokumentarë, shfaqje muzikore dhe teatrale dhe të organizohen aktivitete tjera për të rinj si pjesë e Parkut Kulturor “Ali Podrimja.”

Parku Kulturor organizohet për herë të parë nga një grup i të rinjve vullnetarë të Gjakovës dhe do të mbahet në sheshin “Ali Podrimja” që ndodhet në qendër të qytetit në mes të hotelit “Pashtriku” dhe lumit “Krena.”

[arve url=”https://vimeo.com/209833628″/]

Ideja e Parkut Kulturor është mbështetur nga Komuna e Gjakovës që ka dhënë sheshin “Ali Podrimja” në shfrytëzim për këtë projekt.

Për këtë projekt kërkohet mbështetje financiare nga publiku në Kosovë dhe në diasporë për mbledhjen e 10,780 euro. Të hollat, thonë organizatorët, mund të dhurohen përmes fushatës crowdfunding në këtë link:

http://kosovaideas.com/campaign/detail/286

“Gjatë verës në Gjakovë ka shumë të rinj por pak aktivitete, nuk ka kinema dhe rrallë organizohet ndonjë koncert ku mund të mblidhen dhe të dëfrehen të rinjtë. Parku Kulturor synon që ta bëjë Gjakovën një qytet atraktiv për të gjithë banorët e saj dhe të ofrojë një verë të pasur me aktivitete kulturore”, tha Arber Lleshi, njëri nga organizatorët.

“Ne jemi të rinj vullnetarë me ide, por pa buxhet. Andaj shpresojmë që publiku do t’i përgjigjet pozitivisht kërkesës sonë për mbështetje financiare”, shtoi ai.

Projekti është organizuar nën ombrellën e organizatës joqeveritare GjakovaBasel që promovon bashkëpunimin me diasporë në fusha kulturore dhe shoqërore./Insajderi.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja