Ditën e Mërkure rrjeti social më i madh në botë Facebook tha se aplikacioni Messenger përdoret rregullisht nga mëse 1.2 miliard njerëz në mbarë botën.
Kjo shifër është goxha e lartë nëse e vëmë në perspektivë: Toka ka 7.5 miliard banorë. Që nga ndarja nga aplikacioni kryesor në 2014-ën, Facebook e ka trajtuar Messenger si një platformë ku përdoruesit merrni shërbimet të ndryshme përveç lojërave, video thirrjeve apo sticker-ave, shkruan PcWorld.
Vetëm muajin e kaluar këtij shërbimi janë bashkuar pagesat në grupe, reagimet dhe gjurmimi i bashkëfolësve në kohë reale.
Në dy vitet e fundit Messenger ka shënuar boom në numrin e përdoruesve. Në Korrik të 2016-ës Facebook tha se Messenger kishte 1 miliard përdorues. Në Shkurt tha se 1 miliard mesazhe dërgohen çdo ditë në Messenger.
Sot Messenger ka dyfishin e përdoruesve të Instagram duke u vendosur në një linjë me WhatsApp.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
