Objekti i Gjykatës Themelore dega në Lipjan, është sulmuar me koktej molotovi mbrëmë rreth orës 24:00.
Në vendin e ngjarjes kanë dal njësia e zjarrfikësve dhe Forenzika regjionale. Ndërkohë patrullat policore, kanë bërë sigurimin e vendit të ngjarjes, dhe sipas informacioneve të para dëshmitarët thonë se persona të panjohur kanë gjuajtur koktej molotovi në drejtim të objektit të Gjykatës.
“Si pasojë e kësaj në një zyre janë shkaktuar disa dëme materiale nga zjarri, si dhe para ndërtesës është dëmtuar parafangoja e veturës zyrtare TOYOTA ngjyrë hiri me targa (4Z) pronë e Gjykatës Themelore”, thuhet në njoftimin e Policisë së Kosovës, raporton Insajderi.
Policia e Kosovës është duke kryer hetime intensive në lidhje me rastin./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
