Pacolli konsideron se “duhet të turpërohemi për gjendjen e spitaleve tona”. Sipas tij, nëpër spitalet e Kosovës dominon kaosi, papastërtia dhe ndotja.
Ai i ka bërë thirrje pozitës që të largohen e ti lënë vend atyre që sipas tij ia duan të mirën Kosovës.
“Kjo Qeveri duhet të lirojë vend sa më shpejt për shkak të mospunës, mosedukatës së tyre, Për kulturën e mospërgjegjësin tuaj, qeveri, po krijoni imazh të keq për të gjithë qytetarët e Kosovës për çfarë i bëj thirrje kësaj Qeverie të japë dorëheqjen e të lirojë vend për ata që dinë e duan të punojnë”, ka shkruar Pacolli në facebook.
Dorëheqjen e Qeverisë e ka kërkuar edhe deputeti i PDK-së, Nait Hasani, sipas të cilit kjo Qeveri ka dështuar në tërësi.
Pacolli mes tjerash ka theksuar zhgënjimin që kjo qeveri po i sjell të gjithë qytetarëve, pasi po e shkatërron vendin.
“Ju nuk mundeni më të zhgënjeni qytetarin e Kosovës, ecni, ju lutem, se fëmijët tanë do t’ju mallkojnë. Merrni plaçkat e largohuni krejtësisht, populli do të ndërtojë përspektivën e vet shumë më mirë pa ju”, thekson Pacolli. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
