Presidentja e Kosovës, Vjosa Osmani, po merr pjesë në Samitin për Demokraci, që filloi sot, nikoqir i të cilit është presidenti i Shteteve të Bashkuara të Amerikës, Joe Biden.

Osmani tha se demokracia është themel i shtetësisë së Kosovës, duke përmendur edhe presidentin Ibrahim Rugova dhe tri shtyllat e shtetit që i synonte ai.

Në fjalimin e saj para këtij Samiti, Osmani përmendin presidentin historik, Ibrahim Rugova.

Osmani dha edhe tri premtimet e Kosovës për të forcuar demokracinë.

1.Ne do të forcojmë sundimin e ligjit përmes zbatimit të plotë të Strategjisë Kombëtare për Sundim të Ligjit dhe një procesi të vettingut, i cili do t’i rrënjosë integritetin, paanshmërinë dhe profesionalizmin në zemër të sistemit tonë të drejtësisë. Ne zotohemi për miratimin dhe zbatimin e legjislacionit të avancuar për konfiskimin e pasurisë së paligjshme, vendosjen e ndalimit të udhëtimit për individët e huaj të përfshirë në abuzime të rënda të të drejtave të njeriut, ndalimin e financimin e qeverive të huaja për partitë politike dhe ndalimin e institucioneve publike që të përdorin teknologji të vëzhgimit nga prodhues jo të besueshëm.

2. Forcojmë rolin e gruas në shoqërinë tonë, duke iniciuar veprime për harmonizimin e të gjitha ligjeve përkatëse me dispozitat e ligjit për barazinë gjinore, për të garantuar vendin e duhur të gruas në institucionet publike dhe rolet vendimmarrëse.
3. Do ta themeloj një Këshill Presidencial për Demokraci dhe të Drejta të Njeriut, i cili do të bashkojë institucionet publike dhe shoqërinë civile për të shtyrë përpara dhe monitoruar zbatimin e zotimeve tona.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman