Profesori universitar, Blerim Latifi, ka thënë në emisionin Pressing në T7 se nëse Sali Berisha, ish-kryeministër i Shqipërisë, është me të vërtetë i pakorruptuar sic thotë ai, atëherë duhet të tregojë nga i mori paratë për financim të “Foltores”.
Latifi thotë se Berisha nuk përfaqëson ndryshim në Shqipëri por vetëm është vazhdimësi e së kaluarës dhe kokëfortësisë së tij për të mos lëshuar pushtetin.
“Kjo që ka ndodhur kohët e fundit tregon se Sali Berisha ka qenë de-facto kryetar i PD-së dhe Basha nuk kishte pushtet asnjëherë mbi partinë”, thotë ai.
“Nëse do të na vërtetojë se me të vërtetë nuk është i korruptuar dhe se është lider duhet të tregojë nga i mori 1 milion euro për financim të kampanjës së tij që filloi para gati një muaji. Pse nuk e shpalos këtë”, thotë ai.
Latifi po ashtu thotë se ajo që ka ndodhur në PD do të dërgojë në përçarjen e partisë dhe se fituesi i vetëm i kësaj është Edi Rama dhe PS-ja.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
