Një video e cila po qarkullon në media e në të cilën shihet djali i kryetari të Suharekës, Bali Muharremajt, Gjelbërimi ka bërë bujë. I njëjti shihet duke shtënë me armë zjarri për festën e Vitit të Ri, veprim i ndaluar ligjërisht.

Në lidhur me rastin Gazeta Insajderi, ka telefonuar kryetarin, Bali Muharremaj. Ai ka thënë se video është përsëritur teksa nuk ka mohuar se ndodhet edhe djali i tij në ato pamje.

Muharremaj ka shtuar se nuk i vjen mirë për veprimin e djalit të tij, kurdo që ka ndodhur.

“Unë vitin e ri e kam prit në shesh, kjo video që e pashë unë ka qenë para 3 vjete në qarkullim do të thotë veç është përsërit, mirëpo unë që tre vite, vitin e ri nuk e kam prit në shtëpi e kam prit në shesh në Suharekë, me policinë me zjarrëfikësat e emergjencën. Sidoqoftë nuk më vjen mirë. Nuk është vepër e mirë”, ka thënë Muharremaj për Insajderi.

I pyetur se a ka qenë për pushime djali i tij në Kosovë pasi siç është raportuar në media Gjelbrim Muharremaj jeton dhe vepron në Amerikë, Muharremaj ka insistuar duke thënë që ai nuk ka festuar Vitin e Ri në shtëpi.

Ndërkohë, video ishte publikuar nga vet Gjelbrim Muharremaj në llogarinë e tij në Instagram teksa ka shkruar, “Mënyra e vjetër Iliriane. Bijtë e Dardanisë ju urojnë Vitin e Ri”.

Theksojmë se përkundër thirrjeve e apeleve nga ana e Policisë së Kosovës, sërish edhe këtë fundvit ka pasur raste të festës me armë zjarri.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman