Presidentja e Kosovës, Vjosa Osmani, ka treguar në një postim në Facebook se është takuar me Kryeministrin Albin Kurti, kryetarin e Kuvendit, Glauk Konjufca dhe Ministren e Jashtme, Donika Gërvalla.
Osmani ka thënë se në këtë takim koordinues për politikën e jashtme është folur për nismat për fuqizim ndërkombëtar të shtetësisë së Kosovës si dhe për dialogun me Serbinë.
“Takim javor koordinues për politikën e jashtme me Kryetarin Konjufca, Kryeministrin Kurti dhe Zëvendëskryeministren Gërvalla. Diskutuam për nismat për fuqizim ndërkombëtar të shtetësisë së Republikës së Kosovës dhe angazhimin tonë në dialogun e përqëndruar në njohje”, shkruan Osmani.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
