Këtej e tutje konvertimi i patentave shqiptare dhe kosovare në Gjermani do të bëhet pa provime shtesë. Këtë e miratoi gjatë ditës së djeshme në Berlin, Këshilli Federal i Gjermanisë, me kërkesë të qeverisë federale, shkruan Insajderi.
Por, patent shoferët e Republikës së Kosovës, i kishte pranuar pa provime shtesë edhe Kanadaja dhe Turqia, vetëm një ditë para Gjermanisë.
Këtë e bëri të ditur ministri i Punëve të Brendshme, Xhelal Sveçla gjatë mbajtjes së mbledhjes së 61-të të qeverisë Kurti, më 9 shkurt.
Po ashtu, njohjen e patentë shoferëve nga Kanadaja dhe Turqia, e kishte bërë të ditur edhe kryeministri Albin Kurti përmes postimit të tij në facebook ku përveç tjerash kishte thënë:
“Në kuadër të raporteve të mira ndërshtetore dhe qëllimit të përbashkët për të lehtësuar jetën e qytetarëve tanë, po realizohet njohja e patentë-shoferit për shtetasit e Kosovës në Kanada dhe Turqi.”, ka shkruar Kurti.
Ndërkaq, është bërë e ditur se pas Gjermanisë, patentë shoferët kosovare po përgatiten t’i njohin edhe Austria dhe Italia./Insajderi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
