Familjeve në Britaninë e Madhe do t’u ofrohen rreth 420 euro në muaj për të hapur shtëpitë e tyre për njerëzit që ikin nga lufta në Ukrainë.

Sekretari i Strehimit, Michael Gove, i tha BBC-së se dhjetëra mijëra njerëz mund të vijnë në Mbretërinë e Bashkuar sipas skemës dhe ai mund t’i ofrojë një dhomë një refugjati.

Por Këshilli i Refugjatëve është i shqetësuar për nivelin e mbështetjes për ata të traumatizuar nga lufta.

Sipas skemës “Homes for Ukraine”, njerëzit do të jenë në gjendje të emërojnë një individ ose një familje me emër për të qëndruar me ta pa qira, ose në një pronë tjetër, për të paktën gjashtë muaj.

Autoritetet lokale do të marrin gjithashtu 12500 euro fonde shtesë për shërbimet mbështetëse – me më shumë për fëmijët e moshës shkollore, tha Departamenti për Nivelimin, Strehimin dhe Komunitetet.

Më shumë se 2.5 milionë njerëz janë larguar deri më tani nga Ukraina për shkak të pushtimit të Rusisë, në atë që OKB-ja e ka quajtur kriza e refugjatëve me rritjen më të shpejtë që nga Lufta e Dytë Botërore.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”