Është arrestuar ish-kryesuesi i bordit të drejtorëve në “Trafiku Urban”, Ruhan Beha si dhe Lulzim Rexhepaj, ish-kryeshefi ekzekutiv i ndërmarrjes publike “Trafiku Urban”, për shkak të dyshimit se kanë keqpërdorë pozitën e autoritetin zyrtar.

Policia e Kosovës, Drejtoria për Hetimin e Krimeve Ekonomike dhe Korrupsionit në Prishtinë, sot ka arrestuar 4 persona të dyshuar për keqpërdorim të pozitës apo autoritetit zyrtar dhe përfshirje në konflikt interesi.

Insajderi mëson se personat e arrestuar janë Ish-kryesuesi i bordit të ndërmarrjes publike lokale Trafiku Urban, Ruhan Beha, dhe ish-kryeshefi i Trafikut Urban, Lulzim Rexhepaj.

Sipas burimeve të Gazetës, arsyeja e arrestimit të tyre ka të bëjë me blerjen indirekte të veturës personale të ish-kryesuesit me një çmim dyfishë më të lartë se sa çmimi i tregut.

Ata dyshohet se kanë arritur që përmes marrëveshjeve dhe koordinimeve këta dy bashkë me ish sekretarin e ndërmarrjes, Florent Tahiri, në bashkëpunim me V.K menaxher autosalloni, veturën që ka qenë në pronësi të Kryesuesit, ta shesin fillimisht në një auto-sallon dhe pastaj përmes procedurave tenderuese ta blejnë të njëjtin për nevojat e NPL “Trafikut Urban”.

Ky burim i ka thënë Insajderit se Trafiku Urban e ka blerë veturën 13 mijë euro por me çmim të tregut ajo veturë bën diku 6 mijë euro.

E policia e Kosovës ka arrestuar edhe ish sekretarin e NPL “Trafikut Urban” dhe menaxherin në një auto-sallon.

“Personat e dyshuar me iniciale (deri sa ishin në pozita, tani nuk i ushtrojnë ato pozita); R. B. (Kryesues i Bordit të Drejtorëve të NPL “Trafiku Urban”), L. R. (Kryeshef i NPL “Trafiku Urban”), F. T. (Sekretar në NPL “Trafiku Urban”) dhe V. K. (Menaxher në një auto-sallon), kanë arritur që përmes marrëveshjeve dhe koordinimeve në mes vete, veturën që ka qenë në pronësi të Kryesuesit, ta shesin fillimisht në një auto-sallon dhe pastaj përmes procedurave tenderuese ta blejnë të njëjtin për nevojat e NPL “Trafikut Urban” në vlerë prej disa mijëra euro me shtrenjtë se vlera reale”, thuhet në njoftimin e Policisë./Insajderi.org/

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”