Korrespondentja e sigurisë kombëtare e kanalit Fox News, Jennifer Griffin u emocionua në një transmetim të drejtpërdrejtë me Bret Baier të FNC të martën në mbrëmje, teksa foli për fotoreporterin, Pierre Zakrzewski dhe konsulenten Oleksandra Kuvshynova, dy gazetarët e Fox News që u vranë në Ukrainë kur automjeti i tyre u vu nën zjarr. Korrespondenti Ben Hall u plagos dhe rrjeti raportoi të mërkurën se ai ishte evakuuar i sigurt nga vendi.

“Bret, një fjalë për kolegët tanë Pierre, Sasha dhe Ben Hall sonte. Humbja dhe dhimbja që ndjejmë është e madhe, por nëse ndonjëherë ka pasur një kohë që bota ka pasur nevojë për gazetarë, reporterë që rrezikojnë jetën e tyre për të treguar këto histori, për të thënë të vërtetën është tani. Pa një shtyp të lirë autokratët fitojnë. Ne do të dyfishojmë përpjekjet tona për t’i nderuar këta kolegë dhe të gjithë gazetarët në rrugën e keqe sonte.”-tha Griffin.

Griffin, e cili ka kaluar dekada duke raportuar nga zonat e luftës, e di mirë se sa e rrezikshme mund të jetë ajo punë. Dy anëtarët e ekuipazhit janë gazetarët e parë të Fox News që vriten në terren në historinë e rrjetit. Ajo nderoi Kuvshyniva dhe Zakrzewski në Twitter, duke shpërndarë foto të të dyve që punonin në Ukrainë në ditët para sulmit, duke e quajtur Zakrzewski “një njeri i mirë” dhe “një mik i mirë”.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”