Presidenti i Ukrainës, Volodymyr Zelenskyy, ka thënë të martën se asgjë nuk ka mbetur nga Mariupoli, vetëm rrënoja.

Këtë deklaratë Zelenskyy e tha në një fjalim virtual në parlamentin italian, pasi Kievi i bëri thirrje Moskës që të lejojë civilët të evakuojnë qytetin e rrethuar.

“Nuk ka mbetur asgjë atje. Vetëm rrënoja,” ka thënë Zelenskyy, raporton BBC.

Mariupol, një objektiv kryesor strategjik për Moskën, ka duruar javë të tëra të bombardimeve ruse. Zyrtarët kanë thënë se banorët kanë mbetur pa ushqim, ilaçe, energji elektrike dhe ujë të pijshëm.

Derisa Zelenskyy foli para këtij parlamenti, këshilli i Mariupolit ka thënë se forcat ruse kishin hedhur dy bomba të mëdha në qytet, por nuk dhanë detaje për viktimat apo dëmet.

“Edhe një herë është e qartë se pushtuesit nuk janë të interesuar për qytetin e Mariupolit. Ata duan ta rrafshojnë atë me tokë dhe ta bëjnë hirin e një toke të vdekur”, kanë thënë nga Këshilli.

Rusia nga ana e saj, mohon të ketë shënjestruar civilët.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”