Një 19-vjeçar ka humbur jetën pasi ka mbetur i aksidentuar rëndë në portin detar të Durrësit.

Ngjarja ka ndodhur në terminalin e konteinerëve gjatë përpunimit të një anijeje.

I riu, punëtor në një kompani private ngarkim-shkarkimi që operon në këtë terminal është goditur nga një vinç gjatë procesit duke marrë plagë të rënda, pa mundur të mbijetojë.

Në vendngjarje ka shkuar policia e cila po heton për rrethanat dhe nëse janë respektuar rregullat e sigurimit teknik gjatë procesit të përpunimit në terminal.

Terminali i konteinerëve në portin e Durrësit aktualisht administrohet nga ”Mariner Adriatik”, degë e ”Hili Company limited”, një shoqëri e regjistruar në Maltë. ”Mariner Adriatic” është themeluar në shkurt 2021 me qendër në Tiranë dhe origjinë kapitali malteze nga shoqëria mëmë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur