Në përditësimin e tij të fundit, Shtabi i Përgjithshëm i Forcave të Armatosura të Ukrainës thotë se përgatitjet ruse vazhdojnë në lindje për një operacion sulmues, me komandën dhe kontrollin, si dhe aviacionin që i shtohet forcës grumbulluese.

Sipas shtabit, Rusia po trajnon njësi shtesë të qarkut të saj ushtarak jugor dhe po planifikon një mobilizim shtesë në mbarë vendin, raporton CNN.

“Armiku vazhdon të lëshojë sulme me raketa dhe bomba në objektet e infrastrukturës dhe zonat e banuara të qyteteve dhe fshatrave”, thotë shtabi i përgjithshëm.

Në të njëjtën kohë, shtabi thotë se forcat e armatosura ruse po “rigrupojnë njësitë në drejtimin verior me një përqendrim të mëtejshëm në zonat në kufi me Ukrainën. Nga rajonet Bryansk dhe Kursk, ka një lëvizje drejt rajoneve të Belgorodit dhe Voronezhit të Rusisë”.

Shtabi i Përgjithshëm thotë se njësitë ruse brenda Ukrainës po kryejnë zbulim në zona të tilla si Slobozhansky në rajonin e Kharkivit përpara ofensivës së planifikuar, ndërsa granatimet e qytetit të Kharkiv vazhdojnë. Ai thotë se ata po përgatiten gjithashtu për aksion sulmues ndaj Slavianskut, një qytet i rëndësishëm në rajonin e Donetsk-ut.

Luftimet vazhdojnë në qytetet përreth Severodonetsk, thotë Shtabi i Përgjithshëm.

Rusët ishin përpjekur të thyenin mbrojtjen e Ukrainës në rajon, por kishin dështuar.

Civilët vazhdojnë të evakuohen nga rajoni, i cili ka parë javë të tëra bombardimesh pasi pushtimi rus i Ukrainës është zhvendosur në marrjen e kontrollit të rajoneve lindore të Donetskut dhe Luhanskut.

Serhii Haidai, kreu i administratës ushtarake të rajonit të Luhanskut, tha të enjten se pavarësisht hapjes së korridoreve humanitare, rusët vazhduan të bombardojnë qytetet e rajonit të Luhanskut gjatë gjithë ditës.

Pavlo Kyrylenko, kreu i administratës ushtarake të rajonit të Donetskut, tha se rusët kishin kryer tre sulme ajrore në qytetin Velyka Novosilka, afër kufirit midis Donetskut dhe Zaporizhzhia.

“Të paktën dy persona janë lënduar”, tha ai.

Peizazhi ushtarak në Ukrainën lindore tregon një ofensivë me tre drejtime që po merr formë – me forcat ruse që lëvizin përpara nga veriu, lindja dhe jugu, por duke hasur në rezistencë të ashpër në të gjitha frontet.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur