Zak Topuzi, kryetari i Sektorit të Hoteleve në “Shoqata Shqiptare e Turizmit” (ATA) ka denoncuar abuzimin me çmimet e dhomave të hoteleve në Tiranë.

Me anë të një statusi në rrjetet sociale, Topuzi deklaron se dhomat e hoteleve në datat 25-26 maj në Tiranë po shiten me 600-9000€/nata për një ndeshje sporti.

Ai ka publikuar një foto të marrë nga faqja e internetit Booking, ku qytetarët mund të rezervojnë dhomën e hotelit, ku vihen re edhe çmimet marramendëse

Sipas tij, ky është një abuzim që dëmton rëndë imazhin e turizmit, ndaj i bën kërkesë kryebashkiakut të Tiranës Erion Veliaj dhe Ministrisë së Financave të angazhohet seriozisht dhe të marrë masa.

“Po bëhet një lojë e turpshme dhe e pa denjë, duke cënuar rëndë imazhin e turizmit në Tiranë. Po shitet dhomat e hoteleve ( për dt 25-26 maj) me çmime nga 600-9000€/nata për një ndeshje sporti që duhet të jetë një manifestim i vlerave të Kryeqytetit të Rinisë 2022. Ftoj z. Veliaj dhe Min Financave të angazhohet seriozisht për të kthyer normalitetin.

Ky është abuzim i pastër që do dëmtojë rëndë imazhin e Shqipërisë”, shkruan Topuzi në rrjetet sociale.

Ndërkohë, kujtojmë se më 25 maj do të mbahet finalja e parë në historinë e Ligës së Konferencës në “Air Albania” në Tiranë, ku do të luajë Roma dhe Fejnord./ CNA.al

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur