Ushtruesi i detyrës së kryetarit të OVL-UÇK-së, Faton Klinaku ka mohuar se protestuesit veteranë kanë gjuajtur me gazlotsjellës.

Ai për Gazetën Insajderi ka thënë se kanë parë që dikush nga dritaret e Kuvendit të Kosovës ka gjuajtur me gazlotsjellës.

Për këtë thotë se e lajmëruar edhe njërin nga Komandantët e Policisë së Kosovës.

“Ne kemi shku tek komandanti i Policisë dhe i kemi tregu, i kemi thënë merr masa se dikush atje prej dritareve janë duke gjuajt. Protestuesit kanë tregu që prej dritare po gjuhet dhe për këtë arsye kemi shku e kemi lajëmru policinë. Është e saktë që kanë gjuajt edhe vet shtyrja e seancës kanë pretendu me i largut veteranët prej protestës, mos me qëndru që mos me vazhdu protesta”, ka thënë ai për Insajderin.

I pyetur nëse policët që ndodheshin para Kuvendit e ku u ballafaquan me protestuesit gjuajtën me gaz lotsjellës, Klinaku u shpreh që jo.

“Jo, jo nga brenda Kuvendit dikush”, tha ai shkurt.

Që nga ora 10:00 e mëngjesit veteranët e UÇK-së kanë protestuar para Kuvendit të Kosovës, si shenjë pakënaqësi meqë u lanë jashtë rritjes së pagës minimale.

Protestuesit tentuan të futen edhe brenda Kuvendit, por u ndaluan nga Policia.

Policia ndërkohë ka mohuar se kanë përdorur gazlotsjellës teksa kanë njoftuar se dy policë kanë mbetur të lënduar.

​Policia mohon se përdori gaz lotsjellës ndaj protestuesve, thotë se u lënduan dy policë

Ndërkohë raportohet se diku rreth 15 veteranë kanë mbetur të lënduar nga protesta e së hënës.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur