Kryeministri Albin Kurti nga seanca e Kuvendit të Kosovës konfirmoi se nesër do t’i takojë veteranët e UÇK-së, të cilët po protestojnë në shenjë pakënaqësie që nuk janë përfshirë në rritjen e pagës minimale.

Kurti bëri me dije se ka anuluar udhëtimin e tij drejt Maqedonisë së Veriut.

“Ajo çfarë po propozoj unë sot është që ta anulojë pjesëmarrjen në forumin e Prespës nesër dhe unë po i pres në takim bashkë me ministrin e Financave dhe kryetarin e komisionit për buxhet dhe financave udhëheqësit e Veteranëve, po i dëgjoj e t’i diskutojmë të gjitha”, tha Kurti përcjell Insajderi.

Pas kësaj Gazeta Insajderi ka telefonuar ushtruesin e detyrës së kryetari të OVL-UÇk-së, Faton Klinaku.
Ai tha se është duke e përcjell seancën dhe se momentalisht nuk e dinë se si do të veprojnë.

“Prej protestës jam duke e përcjell seancën, jam duke i përcjell zhvillimet. Po nuk mundem me thënë asgjë, se jam duke e përcjell seancën”, tha shkurt Klinaku për Insajderin.

Ndërkohë protesta e veteranëve është duke vazhduar, ata po vazhdojnë të qëndrojnë në oborrin e Kuvendit të Kosovës.

Kurti kërkoi vazhdimin e seancës sot derisa nesër të takohet me veteranët protestues. Për t’i shqyrtuar kërkesat e tyre – gjegjësisht të fillojnë një proces të dialogut.

“Nesër do t’i takojë veteranët”, u shpreh ai.

Pas kësaj ka reaguar shefi i Grupit Parlamentar të PDK-së, Abelard Tahiri.

Ai kërkoi që të mos mbahet seanca e që takimin me veteranët Kurti të takohet sot.

/GazetaInsajderi

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur