Kryeministri, Albin Kurti ka pritur sot në kryeministri përfaqësuesit e organizatave të veteranëve të UÇK-së, me të cilët ka diskutuar për kërkesat e tyre të shpalosura edhe në protestën e djeshme, e që ka të bëjë me përfshirjen në projektligjin për pagën minimale.

Në këtë takim që ka përfunduar pa marrëveshje, nga Zyra për Media e Qeverisë tregojnë se Kurti ka kërkuar bashkëpunim me OVL UÇK-në për përmirësimin e mirëqenies së veteranëve dhe ka përmendur edhe çështjen e pastrimit të listave.

“U bisedua edhe për çështjen e pastrimit të listave dhe mundësitë e bashkëpunimit në këtë aspekt, si dhe tema të tjera të rëndësishme lidhur me statusin dhe gjendjen e veteranëve të luftës çlirimtare të Ushtrisë Çlirimtare të Kosovës”, thuhet në njoftim.

Në asnjë moment kjo zyrë nuk ka përmendur kundërshtimin e veteranëve që po i bëjnë projektligjit për pagat që ka kaluar në lexim të parë pa përfshirjen e veteranëve, për çka edhe kanë dal në protesta veteranët.

Në këtë takim të përbashkët të pranishëm ishin edhe Ministri i Financave, Punës dhe Transfereve, Hekuran Murati, këshilltari i Kryeministrit për Çështje të Kategorive të Dala nga Lufta e Ushtrisë Çlirimtare të Kosovës, Aziz Bici dhe Kryetari i Komisionit Parlamentar për Buxhet, Punë dhe Transfere, Armend Muja.

Lexo edhe:

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur