Pas eskalimit të protestës te sheshi Skënderbeu në Shkup, protestuesit janë zhvendosur tashmë te objekti para Kuvendit të Maqedonisë së Veriut.

Përmes brohoritjeve “Dorëheqje”, “Tradhtarë” , protestuesit kanë djegur fotografitë e deputetëve të shumicës parlamentare.

Protestat e iniciuara nga opozita maqedonase OBRM-PDUKM dhe E Majta, kanë filluar që disa ditë në qytetin e Shkupit.

Përmes protestës ata shprehen se nuk e pranojnë propozimin francez i cili sipas tyre mohon identitetin, gjuhën dhe historinë e Maqedonisë.

Për të shmangur keqkuptimet dhe tensionet e përsëritura nga opozita, Qeveria ka filluar me mbledhjen e grupeve punuese nga të gjitha partitë e vendit për të sqaruar pikat përmbajtjësore nga propozimi francez.