Një i paraburgosur i moshës 27-vjeçare ka tentuar që ë vrasë veten ditën e sotme në Komisariatin e Policisë Korçë.
Ai ishte ndaluar nga policia ditën e djeshme pasi po ndihmonte emigrantë të paligjshëm që të kalonin kufirin kundrejt pagesë.
Në momentin e tentativës për të varur veten është konstatuar nga punonjësi i shërbimit, i cili ka ndërhyrë menjëherë dhe aktualisht shtetasi A. M., ndodhet jashtë rrezikut për jetën.
“Më datë 15.07.2022, rreth orës 13:05, në Komisariatin e Policisë Korçë, në dhomat e paraburgimit, ka tentuar të varë veten me batanije shtetasi A. M., 27 vjeç, banues në Tiranë, i arrestuar një ditë më parë si i dyshuar për veprën penale “Ndihma për kalim të paligjshëm të kufijve”. Në momentin e tentativës për të varur veten është konstatuar nga punonjësi i shërbimit, i cili ka ndërhyrë menjëherë. Aktualisht shtetasi A. M., ndodhet jashtë rrezikut për jetën.” – njofton policia.
Grupi hetimor po punon për të sqaruar rrethanat e ngjarjes.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
