Bordi i Karburanteve është mbledhur këtë të premte dhe ka vendosur të ulë çmimet, gati 24 orë pas uljes që bëri ditën e djeshme. Nafta është ulur me 6 lekë/litri dhe nga pasditja e sotme do të shitet me 226 lekë, nga 232 lekë që u vendos dje.

Po ashtu, edhe benzina është ulur në 211 lekë/ litri, nga 216 lekë që ishte. Ndërkohë, çmimi i gazit mbetet i pandryshuar dhe nga pasditja e kësaj të premteje do shitet përsëri me 81 lekë.

Çmimet e caktuara nga Bordi do të hynë në fuqi sot, datë 22 Korrik ora 18.00 pasdite, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

• Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 226 lekë/litri, ndërsa i shitjes me shumicë jo më shumë se 214 lekë/litër.
• Çmimi i shitjes me pakicë i nënproduktit benzinë e standardit SSH EN të jetë jo më shumë se 211 lekë/litri, ndërsa i shitjes me shumicë jo më shumë se 199 lekë/litër.
• Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 22 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

“Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi. Në rast të shkeljeve të konstatuara nga operatorë të ndryshëm do të vendoset pezullimi i aktivitetit. Jemi në monitorim të vazhdueshëm të ecurisë së bursave, me qëllim reagimin sa më të shpejtë”, njofton Bordi./newsbomb.al

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër