![](https://insajderi.org/wp-content/themes/insajderi-org/logo/menu-insajderi.png)
Gerardo Coco
Tendencat që zbulojnë të ardhmen politike, bazohen tek flukset e kapitalit. Monedhat rriten në vlerë ose zhvlerësohen, pasi kjo është para së gjithash mënyra se si kapitali ndërkombëtar e vlerëson besimin tek qeveritë politike. Këtë e kemi parë me herët brenda eurozonës, dhe e shohim me dollarin, që kohët e fundit është rivlerësuar pasi ka rënë besimi në Evropë.
Nëse kapitali percepton një problem në një rajon, ai do të largohet drejt një rajoni tjetër. Dollari amerikan u rrit shumë gjatë Luftës së Parë dhe të Dytë Botërore, pasi në dallim nga Evropa, rrugët e Shteteve të Bashkuara nuk rrezikoheshin të pushtoheshin nga tanket. Edhe sot, me perspektivën e luftës në Evropë, flukset e kapitalit tregojnë se monedha kryesore rezervë, mbetet një strehë të sigurt për kapitalin ndërkombëtar, edhe pse jo në një periudhëafatgjatë.
Mjerisht, perspektivat do të përkeqësohen, pasi me neo–konservatorët aktualë në Shtëpinë e Bardhë, Lufta e Tretë Botërore është bërë e pashmangshme. Ata duan shkatërrimin e Rusisë,dhe mendojnë se mund të zhvillojnë vërtet një luftë kundër Moskës, duke e mbajtur atë nënivelin konvencional, dhe në fund duke e fituar.
Ata mendojnë se largimi i Vladimir Putinit, do ta hedhë në një fare mënyre Rusinë në krahët e Perëndimit. Këta ekspertë të politikës së jashtme, nuk kanë parë asnjëherë përtej hundës së tyre. Rreziku i një lufte globale në shkallë të gjerë është bërë më i madh, pikërisht për shkak se ata refuzojnë çdo lloj zgjidhje politike.
Sanksionet perëndimore që e kanë shkatërruar ekonominë globale, nuk do të shkaktojnë ndryshim të regjimit në Rusi, e cila nuk do të ketë zgjidhje tjetër veçse të lidhet me shumë meKinën. Dhe gjërat nuk do të shkojnë mirë, pasi këto dy vende do ta mbrojnë sovranitetin e tyre.
Po çfarë e sinjalizon rrezikun e një lufte gjithëpërfshirëse të afërt? Japonia dhe Kina i shitën kohët e fundit aksionet e tyre në thesarin e SHBA-së, sipas të dhënave të publikuara nga vetëDepartamenti i Thesarit i SHBA-së. Duke filluar nga maji, pjesa e borxhit publik amerikan qëzotërohet nga Kina, ra për herë të parë nën 1 trilion dollarë.
Fakti që Kina po heq dorë nga financimi i borxhit amerikan, sinjalizon rritje të tensioneve gjeopolitike. Ndonëse mund të thuhet se duke Pekini ka dashur të përfitojë nga vlera aktualisht e lartë e dollarit. Por këtë veprim nuk po e shohim vetëm nga Kina, por edhe nga të gjitha tregjet në zhvillim, dhe në një shkallë të paprecedentë.
Totali i pronësisë së huaj ka rënë me gati 8 trilion dollarë brenda pak muajsh, pasi shumëbiznesmenë po shohin atë që po ndodh më kompanitë e huaja në Rusi, një vend në luftë. Si të mos mjaftonte kjo, normat janë të destinuara të rriten, dhe të gjitha monedhat të pësojnëkolaps, pasi vendet me borxhe në dollarë, do të detyrohen të paguajnë shumë më tepër sesa pritej.
Qeveritë në vendet në zhvillim, po rrëzohen si dominotë njëra pas tjetrës. Sëmundja nis si gjithnjë tek gjymtyrët, më pas kalon në gjoks, dhe në fund prek zemrën. Kështu pas periferisë, borxhi, inflacioni dhe rritja e madhe e vlerës së dollarit, do të prekë edhe qeveritë evropiane.
Koha e heqjes dorë nga kapitali në monedhën kryesore të rezervës, lidhet qartazi me sanksionet e paprecedenta kundër Rusisë, që të kujtojnë sanksionet që vendosi dikur SHBA-ja ndaj Japonisë, bashkë ne ngrirjen e të gjitha aseteve japoneze në Shtetet e Bashkuara, veprime këto që i paraprirë sulmi në Pearl Harbor, që nga ana e tij e futi SHBA-në në Luftëne Dytë Botërore.
Dhe ashtu si me Luftën e Dytë Botërore, Lufta e Tretë Botërore ka filluar tashmë tek tregjet financiare, dhe në mënyrë të pashmangshme do të çojë në një luftë të vërtetë të hapur. Administrata e Xho Bajdenit, e rrethuar nga neo–konservatorët, po përpiqet të hedhë hapin e radhës në këtë aspekt.
Lufta e vazhdueshme në Ukrainë u krijua qëllimisht, por mediat perëndimore nuk do të raportojnë të vërtetën, dhe do ta drejtojnë gjithnjë gishtin drejt Putinit. Udhëheqësit tanë të pamend, kanë nevojë për një luftë, me shpresën e shkaktimit të mos–pagimit të borxheve nënivel global.
Kjo është skema e tyre për të shpëtuar kompanitë e tyre të zhytura në borxhe. Në Evropë, më shumë se 8 vite norma interesi negative, i kanë zhdukur praktikisht fondet e pensioneve. Sot bankat në Nju Jork, nuk japin më hua për shërbimin e borxhit sovran evropian.
Qeveritë evropiane nuk mund ta financojnë më veten, ndërsa Banka Qendrore Evropiane nuk mund ta blejë borxhin e tyre problematik për një kohë të pacaktuar. Zgjidhja e vetme që ata shohin është falimentimi, duke e fajësuar Rusinë dhe më pas të nisin një luftë të re globale, si një parakusht për krijimin e një Bretton Woods-i të ri, dhe bashkë më të një rendi të ri botëror.
Ata zgjodhën Bajden si president, duke e ditur se aftësitë e tij mendore janë seriozisht tëdëmtuara, ndaj ai po bën thjesht atë që i thuhet. Ata kishin nevojë për një president tejet tëmoshuar dhe me aftësi të kufizuara për ta futur Perëndimin në luftë, në mënyrë që OKB-ja të mund të shndërrohet në qeverinë e re botërore.
Emri i tij do të mbahet mend me turp, pasi historia kujton gjithmonë presidentin, dhe jo figurat e errëta që urdhërojnë pas perdes çdo veprim të tij. Këta njerëz janë vërtet të çmendur. Gjërat mund të përshkallëzohen brenda pak muajsh, siç ndodhi me bursat, dhe në fund të shkaktojnë një luftë të re botërore.
Këtë do të zbulojë fluksi i e kapitalit nga zonat e mundshme të luftës. Siç tha dikush dikur “kush nuk ka sy për të parë, se çfarë dhe pse po ndodh, do t’i ketë ato për të qarë”. Në çdo rast, është më mirë të filloni të grumbulloni ushqime që nuk prishen. Në kohë lufte, një kuti me ushqime, mund të vlejë shumë më tepër se paratë.