Jo gjithmonë janë këta të fundit që i hipin në xhamin e makinës, i ngrenë nga rëra, apo i ndjekin me thikë kur s’paguajnë.
Këtë radhë në jug monedha është kthyer dhe viktimë e një ngjarje të paprecedentë është bërë pronari 70-vjeçar i një hoteli në Himarë.
Ky i fundit është dhunuar fizikisht nga një klient i tij i cili i ka thyer disa brinjë dhe e ka lënë me çarje në trup pas një mosmarrëveshjeje.
Emigranti shqiptar nga Gjermania kishte marrë një dhomë për dy veta e ditën e fundit i kishte kërkuar pronarit të moshuar të fuste edhe dy miq të tjerë.
Pasi ky i fundit i kishte shpjeguar se pagesa ishte bërë për dy persona, pushuesi i kishte kërkuar pagesën mbrapsht dhe aty nisi përleshja fizike.
Emigranti dhunoi pronarin e moshuar e po ashtu shkatërroi edhe dhomën ku kishte qëndruar disa net duke thyer gjithçka.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
