Kryeministri i Malit të Zi, Dritan Abazaoviq në seancën e Kuvendit për mosbesimin e Qeverisë së drejtuar nga ai, ka prezantuar iniciativën për rikonstruktimin e Qeverisë, duke bërë ftesë të gjithëve përveç nismëtarëve të ndërrimit të qeverisë.
“Qeveria dhe shumica parlamentare shprehin gatishmërinë për vendosjen e një moratoriumi për të gjitha çështjet identiare që përçajnë shoqërinë dhe rreth të cilave nuk është e mundur të arrihet një konsensus më i gjerë shoqëror” tha kryeministri Dritan Abazoviq.
Ndërkohë, me akuza e kundër-akuza po vazhdon seanca e Kuvendit të Malit të Zi. Abazoviq është zgjedhur kryeministër i Malit të Zi më 28 prill, derisa mocioni i mosbesimit ndaj qeverisë që drejton ai është thirrur pas marrëveshjes me Kishën Ortodokse Serbe.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
