Një 12-vjeçar është përplasur për vdekje këtë mbrëmje në Gjirokastër. Aksidenti tragjik ka ndodhur rreth orës 18:50, në aksin rural Valare-Gjirokastër. Punonjësi i policisë, 24-vjeçari me iniciale E. D. po drejtonte automjetin e tij privat tip “Benz”, kur ka goditur 12-vjeçarin me iniciale E. I.
Nuk dihet nëse ka qenë kalimi i gabuar i fëmijës apo gabimi në drejtimin e mjetit nga ana e policit që ka shkaktuar përplasjen, shkruan TCH.
24-vjeçari është shoqëruar në polici, ndërkohë që është ngritur grupi hetimor nën drejtimin e Prokurorisë pranë Gjykatës së Rrethit Gjyqësor Gjirokastër dhe me Oficerë të Policisë Gjyqësore të AMP-së, për hetimin e rrethanave të aksidentit me pasojë vdekjen e fëmijës.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
