Një 62-vjeçar shqiptar, mëngjesin e sotëm, mbeti i plagosur pas një aksidenti në punë, brenda varrezave Castelletto Ticino në provincën e Novarës. Mirëpo, mediat italiane bëjnë me dije se ka ndërruar jetë në spital, pasdite.
62-vjeçari, i cili punonte në një kompani që menaxhon shërbimet e varrezave, është rrëzuar nga një shkallë, nga një lartësi prej rreth pesë metrash, teksa po kryente punë mirëmbajtjeje në një kamare.
Ai u transferua në spitalin Maggiore në Novara me helikopterin pasi ndodhej në gjendje shumë të rëndë.
Në orët e vona të pasdites ka humbur jetën.
Në vendin e aksidentit ka nisur puna për zbardhjen e ngjarjes./albeu.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
