Në lidhje me skandalin financiar ku është i përfshirë ambasadori kosovar në Zagreb, Martin Berishaj, ka reaguar përsëri ish-kryeministri slloven, Janez Jansha, për çka ka kërkuar komision hetimor për të hetuar dyshimet për korrupsion të lidhur me kompaninë GEN-i, raporton Insajderi.
Përmes një cicërime në Twitter, Jansha ka ndarë tituj të gazetave dhe ballinave ku shkruhet për dyshimet se paratë e kryeministrit slloven, Robert Golob, përmes GEN-i, mund të kenë financuar fushatën e Lëvizjes Vetëvendosje.
“Kur qeveria sllovene bën titujt e mediave”, ka shkruar Jansha teksa ka ndarë titujt për skandalin financiar të bashkëngjitur me fotografitë e Kryeministrit të Kosovës, Albin Kurti dhe Kryeministrit të Sllovenisë, Robert Golob.
“Me sa duket, të gjitha parlamentet në Ballkan do të krijojnë komisione hetimore për korrupsion të dyshuar në lidhje me #GENi më shpejt se ai slloven”.
“Prej majit kot presim 3 nënshkrimet e premtuara nga koalicioni Nova Slovenija”, përfundoi Januz Jansha.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
