Të enjten, në mbledhjen e Kuvendit të Komunës së Prizrenit, u morr vendimi për emërtimin e Teatrit Profesionist të Qytetit të Prizrenit me emrin e aktorit të madh, Bekim Fehmiu.

Kjo gjë u bë e ditur nga kryesuesi i Kuvendit Komunal në Prizren, Kujtim Gashi, i cili përmes rrjetit social Facebook, njoftoi për këtë vendim.

“Kuvendi i Komunës së Prizrenit, votoi unanimisht që Teatri Profesionist i Qytetit të Prizrenit, të emërtohet me emrin e aktorit prizrenas me famë botërore, Bekim Fehmiu”, ka shkruar ai.

“Urime Teatrit, aktorëve, komunitetit artistik dhe të gjithë qytetarëve të Prizrenit, të cilët shpeshherë kanë kërkuar që njëri nga institucionet kulturore të Prizrenit, të emërtohet me emrin e Bekim Fehmiut”, ka përfunduar Gashi në postimin e tij. /Insajderi.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja