FEMaktiv do të prezantohet me performancën publike “Burrat hekurosin”, ku nëpërmjet kësaj performance publike synon t’i sfidon rolet tradicionale gjinore, shkruan KultPlus.

Kjo performancë do të mbahet më 8 korrik, në ora 13:00 përpara Lidhjes së Prizrenit në Prizren, dhe sipas organizatorëve, kjo performancë organizohet si një thirrje për ndryshim, pasi që, sipas tyre ndarja e punëve të shtëpisë në Kosovë nuk bëhet në mënyrë të barabartë në mes të grave dhe burrave.

“Përveç kësaj, punët e shtëpisë ende vazhdojnë të perceptohen si obligime që i takojnë vetëm grave. Andaj, nëpërmjet kësaj performance publike FEMaktiv synon ti sfidon rolet gjinore duke e dhënë mesazhin që punët e shtëpisë nuk janë obligime që i takojnë vetëm grave,” kanë thënë organizatorët.

“Punët e shtëpisë janë obligime që duhen të ndahen në mënyrë të barabartë në mes të grave dhe burrave – pa dallim gjinie. Arritja e barazisë gjinore në jetën private është e domosdoshme për arritjen e barazisë gjinore në jetën politike dhe publike duke i dhënë fund stereotipeve gjinore. Iniciativa FEMaktiv i fton të gjithë qytetarët/et që të bashkangjiten në këtë performancë pubike, e cila ka për qëllim sfidimin e roleve tradicionale gjinore”, thuhet në njoftimin e organizatorërve./KultPlus.com

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja