Partia Social Demokrate një ditë pas publikimit të plotë të përgjimeve të Mimoza Kusari – Lilës me zyrtarin e Listës Serbe, Slavko Simiq, ka realizuar një aksion simbolik.
Në veturën zyrtare të Kusari – Lilës, PSD ka shkruar “veç 2 – 3 minuta”. Kjo pasi, shefja e Grupit Parlamentar kishte thënë se komunikimi i saj me zyrtarët e Listës Serbe ka zgjatur pak minuta.
Madje aksioni u shoqërua edhe me përleshje verbale.
Dje ishte publikuar pjesa e 3-të e përgjimeve, të cilat nxjerrin në pah biseda që kanë të bëjnë me veteranët, por edhe me qëndrimet e Kusari-Lilës ndaj disa prej kolegëve të vet opozitarë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
