Policia doganore në Francë bën me dije se ka ndaluar një çift shqiptarësh të cilët transportonin në makinën e tyre një sasi të madhe parash të padeklaruara.

Doganierët i ndaluan dy shqiptarët në autostradën A63, teksa sipas raportimeve ata ishin duke udhëtuar nga Gjermania në drejtim të Spanjës.

Makina e shqiptarëve u kontrollua me qen dhe ishte pikërisht ai që zbuloi dhe sasinë e parave që ishte fshehur në një bagazh të dyfishtë.

Pas verifikimeve rezultoi se në makinën e shqiptarëve kishte 340 mijë euro, të cilët ata nuk i kishin deklaruar sipas ligjeve në fuqi.

Emri i dy të arrestuarve nuk bëhet me dije për motive hetimore, teksa policia dyshon se shqiptarët ishin dy korrierë që transportonin paratë e siguruara nga grupet e drogës.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur