Presidenti i Serbisë, Aleksandar Vuçiq ka thënë se ndaj vendit të tij nuk janë vendosur sanksione edhe pse nuk e njeh pavarësinë e Kosovës.

Vuçiq këto deklarata i bëri për TV Prva ku ndër të tjera foli edhe për mosvendosjen e sanksioneve ndaj Rusisë.

“Pavarësisht se Serbia se nuk e ka njohur Kosovën, nuk ka sanksione. Më e rëndësishmja, ne nuk vendosëm sanksione ndaj Rusisë. Do të isha kampion i demokracisë, do të merrja të gjitha çmimet e mundshme dhe çmimin Nobel, nëse do ta njihja Kosovën”.

Ai komentoi edhe mbi çështjen e dinarit. Vuçiq tha se aktualisht nuk e dinë zgjidhjen për Kosovën

“Kur ta di se cila do të jetë zgjidhja, do ta informojmë opinionin. Nuk e dimë tani. Borelli u trondit kur Kurti i tha se kishte dhënë një moratorium tremujor dhe ai po gënjen”, u shpreh ai.

Vuçiq deklaroi se për shkak të rezolutës së Parlamentit Evropian për zgjedhjet në Serbi, BE-ja brenda një dite humbi 10 për qind të mbështetjes në Serbi, e cila “nga 50 ra në 40 për qind”.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur