Ministri i Mbrojtjes, Ejup Maqedonci, ka hedhur poshtë deklaratat e presidentit të Serbisë, Aleksandër Vuçiq, se dronët “Bayraktar” po i vëzhgojnë bazat ushtarake të Serbisë.

Maqedonci ka thënë se Forca e Sigurisë së Kosovës (FSK) po i përdor dronët “Bayraktar” për t’i testuar dhe për të siguruar siguri për të gjithë qytetarët në Kosovë.

“Absolutisht, është e pasaktë kjo deklaratë e presidentit Vuçiq. Kapacitet e Forcës së Sigurisë së Kosovës janë të fokusuara në ndërtimin e elementëve për mbrojtjen e territorit dhe sovranitetit të vendit tonë. Në këtë aspekt edhe dronët ‘Bayraktar’ si pjesë e sistemit të armatimit… i inventarit të FSK-së është pjesë përbërëse e njësive operacionale të FSK-së dhe ne në kuadër të FSK-së kemi njësinë e sistemeve ajrore pa pilotë që kryen operim me dronët “Bayraktar” dhe normalisht që operimi i tyre bëhet brenda territorit të Republikës së Kosovës, pa pasur synim vëzhgimin e asnjë vendi fqinj dhe pa pasur synim shkeljen e hapësirës ajrore të asnjë vendi. Normalisht bazuar në planin e operimit këta dronë fluturojnë në qiellin e Kosovës gjithmonë pra me synimin që të testohen, të operohet me ta me qëllim të vëzhgimit të terrenit në Republikën e Kosovës”, tha ai për Tëvë1.

I pyetur se a ka ndonjë tentativë nga Serbia për të kryer ndonjë sulm, ai tha se rreziku ekziston përderisa grupi i terroristit Millan Radoiçiq nuk është ndëshkuar ende për sulmin e 24 shtatorit, ku mbet i vrarë heroi Afrim Bunjaku.

“Është thënë nga institucionet tona disa herë që vetë mosndëshkimi i grupit të Radoiçiqit dhe grupeve të tjera kriminale dhe terroriste që kanë operuar në veri të vendit dhe që kanë tentuar aneksimin e territorit të Republikës së Kosovës më datë 24 shtator, pra vetë mosndëshkimi i tyre paraqet rrezik, pra prezenca e tyre në Serbi, organizimi i tyre edhe funksioni i tyre brenda territorit të Serbisë gjithmonë të mbështetur nga strukturat e Republikës së Serbisë. Pra, derisa Serbia nuk distancohet nga veprimet që ka marrë ky grup, nuk merr masa për këto veprime atëherë rreziku ekziston”, deklaroi Maqedonci.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”