Trajneri i Lille, Bruno Genesio e ka lavdëruar sulmuesin Edon Zhegrova, mirëpo pret nga ky i fundit të përmirësohet edhe më shumë. Genesio për “Europe 1” ka treguar se pret nga Zhegrova të shkëlqejë në secilën ndeshje, ku e tëra që i mungon është konsistenca.
“Ai është lojtar i talentuar, i cili është në gjendje ta bëjë dallimin në çdo periudhë të ndeshjes. Kam marrëdhënie të mirë me të dhe mendon se mund të përmirësohet në vazhdimësinë e ndeshjeve të mira. Duhet që të jetë i mirë në çdo ndeshje dhe mendon se mund të përmirësohet në këtë aspekt”, ka thënë ai.
“Është faktor sepse është në gjendje të shënojë gola të jashtëzakonshëm, ashtu siç ka bërë në kupat evropiane, sidomos në ato të ‘play-off’-it. Është i dashur për të gjithë dhe është integruar shumë mirë te skuadra e Lille”, ka shtuar tekniku francez.
Zhegrova mund të rikthehet te goli qysh të premten në përballjen që Lille e zhvillon ndaj Brest, në kuadër të Ligue 1.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
