Afati për aplikim për certifikimin dhe dorëzimin e listave të kandidatëve nga partitë politike, i cili ka qenë i hapur nga 1 shtatori deri më 11 dhjetor në ora 16:00, është shtyrë për 8 orë të tjera.

Ky vendim u mor pak minuta para përfundimit të afatit nga anëtarët e KQZ-së nga radhët e partive politike.

Shtyerja e këtij afati erdhi përshkak të problemeve me platformën online.

Eugen Cakolli nga Instituti Demokratik i Kosovës (KDI) tha se “Sistemi online, si një nga zhvillimet më pozitive të KQZ-së në këto zgjedhje, ka funksionuar në mënyrë të shkëlqyeshme. Problemi kryesor qëndron te partitë, veçanërisht ato të mëdha, që nuk e kanë marrë seriozisht këtë proces.”

Sipas Cakollit, vendime të tilla jo vetëm që krijojnë precedent të keq për respektimin e afateve ligjore, por edhe dëmtojnë besimin e qytetarëve në integritetin e procesit zgjedhor.

Më tutje ai tha se kjo shtyrje cenon besimin e publikut në punën e KQZ-së dhe në gjithë procesin zgjedhor, duke krijuar perceptimin se rregullat mund të anashkalohen sipas interesave të partive.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!