Oda Ekonomike Amerikane në Kosovë, qëndron prapa mendimit se Marrëveshja e Përgjithshme Kolektive e nënshkruar në vitin 2014 nuk është e mbështetur në legjislacionin aktual të punës.

Sipas OEAK-ut marrëveshja si e tillë nuk ka fuqi ligjore dhe nuk mund të jetë e aplikueshme nga ndërmarrjet në Kosovë.

Neni 90, pika 5 e Ligjit të Punës e thotë qartazi, që Marrëveshja Kolektive vlen për ata punëdhënës dhe punëmarrës të cilët marrin përsipër detyrimet e përcaktuara me Marrëveshjen e tillë Kolektive, duke e bërë të qartë që diskrecioni për zbatimin ose jo të një marrëveshje të tillë është çështje e vullnetit të lirë të punëdhënësve dhe punëmarrësve.

Oda Amerikane thekson se asnjë organizatë, ose palë nënshkruese e Marrëveshjes së Përgjithshme Kolektive, nuk mund të hyjë në marrëveshje detyrimore me efekte juridike për palët e treta, pa marrë aprovimin paraprak të tyre.

Sipas tyre, Marrëveshja e Përgjithshme Kolektive nuk duhet të jetë bazë e përndjekjes ose e ndëshkimit të kompanive të sektorit privat, të cilat nuk kanë dhënë miratimin e tyre për një marrëveshje të tillë.

OEAK kërkon nga Ministria e Punës dhe Mirëqenies Sociale që të dalë me opinion zyrtar dhe të sqarojë bazën ligjore të marrëveshjes së përgjithshme kolektive.

Ata thonë se është institucion përgjegjës për mbikëqyrjen dhe interpretimin e dispozitave të Ligjit të Punës dhe shmang çfarëdo paqartësie ose interpretime kontradiktore./Insajderi.com

IN Promo Marketing

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh