Uashingtoni zyrtar ka vendosur zyrtarin e qeverisë hungareze Antal Rogán në listën e sanksioneve për shkak të përfshirjes së tij të dyshuar në korrupsion, njoftoi të martën Departamenti Amerikan i Shtetit.

Rogán, ekonomist dhe ish-kryetar bashkie i Belváros-Lipótváros në Hungari, është një nga figurat e larta më me ndikim në qeverinë e kryeministrit hungarez, Viktor Orbán, raporton Euronews, përcjell Insajderi.

Portofoli i tij si ministër përgjegjës i zyrës së kabinetit të Orban mbulon një gamë të gjerë fushash, duke përfshirë komunikimet zyrtare dhe joformale të qeverisë, si dhe inteligjencën civile.

Para kësaj, Rogán ishte kreu i grupit parlamentar të partisë së Orbanit, Fidesz.

“Gjatë mandatit të tij si zyrtar qeveritar, si dhe si ministër përgjegjës për zyrën e kabinetit të Orbanit, Rogán thuhet se ka orkestruar skema të dizajnuara për të kontrolluar sektorët strategjikë të ekonomisë hungareze”, tha Departamenti i Shtetit të SHBA në një deklaratë të martën.

Rogan u vendos në listën e Zyrës së Kontrollit të Pasurive të Huaja sipas Aktit Global Magnitsky, i cili ka cak abuzuesit e të drejtave të njeriut dhe aktorët globalë të korrupsionit. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!