Një 25-vjeçare shqiptare u arrestua pasditen e së shtunës në Milano, pasi tentoi të vidhte mallra me vlerë 7000 euro brenda Rinascente, qendra tregtare në rrugën Santa Radegonda pranë Duomos.
Sipas mediave italiane alarmi u dha pak para orës 17:00, kur roja i sigurisë pikasi të renë teksa ajo po përpiqej të largohej nga objekti me rroba dhe çanta që nuk i kishte paguar. Pasi u zbulua, vajza nuk ka rezistuar dhe pranoi fajësinë.
25-vjeçarja shqiptare, identiteti i së cilës nuk bëhet i ditur nuk rezulton me precedentë të mëparshëm. Ajo u arrestua nga policia me akuzën e vjedhjes.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
